Hoxe é 2 de febreiro: Día da Candeloria!
O Día da Candeloria é unha das tradicións máis antigas e fermosas do noso calendario popular galego. Nesta data celebramos o final do inverno máis escuro e o anuncio da primavera: os días fanse máis longos e a luz comeza a medrar.
É un día cheo de simbolismo: as candeas representan a luz que afasta a escuridade e a natureza comeza a espertar despois dos meses fríos. 
Un dos refráns máis populares di:«Pola Candeloria casan os paxariños e vaise a galiñola», é dicir, as aves comezan a prepararse en parella para a primavera.
Tamén hai quen mira ao ceo a ver se chove ou fai sol, porque «Se a Candeloria chora, o inverno vai fóra», pero «Se ri, aínda está por vir». 
Esta data é unha marabillosa ocasión para descubrir e compartir refráns, lendas e saberes da nosa cultura popular en galego. Porque a lingua tamén vive nas tradicións que nos fan únic@s.
Ningún comentario:
Publicar un comentario